ስብሐት ለአብ ስብሐት ለወልድ ስብሐት ለመንፈስ ቅዱስ

ስብሐት ለአብ ስብሐት ለወልድ ስብሐት ለመንፈስ ቅዱስ (3)

ስብሐት ለእግዘትነ ማርያም ድንግል ወላዲተ አምላክ፡

ስብሐት ለመስቀለ እግዚእነ ኢየሱስ ክርስቶስ :

ክርስቶስ በምሕረቱ ይዘከረነ። አመ ዳግም ምጽአቱ ኢያስተኅፍረነ። ለሰብሖተ ስሙ ያንቅሀነ:: ወበአምልኮቱ ያጽንአነ: እግዝእትነ ማርያም አእርጊ ጸሎተነ : ወአስተሥርዪ ኃጢአተነ : ቅድመ መንበሩ ለእግዚእነ : ለዘአብልዐነ ዘንተ ኅብስተ : ወለዘአስተየነ ዘንተ ጽዋዓ : ወለዘሠርዐ ለነ ሲሳየነ ወአራዘነ : ወለዘተዐገሠ ለነ ኵሎ ኃጢአተነ : ወለዘወሀበነ ሥጋሁ ቅዱሰ ወደሞ ክቡረ : ወለዘአብጽሐነ እስከ ዛቲ ሰዓት። ነሀብ ሎቱ ስብሐተ ወአኰቴተ ለእግዚአብሔር ልዑል : ወለወላዲቱ ድንግል : ወለመስቀሉ ክቡር: ይትአኰት ወይሰባሕ ስሙ ለእግዚአብሔር : ወትረ በኵሉ ጊዜ ወበኵሉ ሰዓት::

Sibhat Leab sbhat LeWeld sbhat LeMenfes Qidus

Sibhat Leab sbhat LeWeld sbhat LeMenfes Qidus 

sbhat egzi-etne Mariam Dingil Weladite Amlak

sbhat LeMesqele Egzine Eyesus  Kristos

Christos bemhretu yzekrene  -  webedagme metsa’itu iyastahafrene -  lesibhotu Simu yanqhane - webe-amlikotu yatsne’ane  -  Egzitne Mariam Dingl Weladite Amlak, a'argi tselotne - we-astesri kulo hatiatne - qidme menberu le-Egzine  -lezeable’ane zente hbste  - welezeser’a lene sisayene wearazene  -  wlezetageselene kulo hatiatine -welezewhabene Sigahu Qeduse weDemu Kibure - wele ze-abtsehane eske zati se’at

- nehab lotu sibhat weako-tiet le-Egziabhier liul - weleWeladitu Dingil - weleMesqelu Kibur - yitakot  weysebah smu le-Egziabhier  wetre bekulu gzie webe kulu se’at.